माढा लोकसभेसाठी शिंदेंची अस्तित्वाची तर मोहिते पाटलांची प्रतिष्ठेची निवडणूक

0
155

टेंभुर्णी : माढा तालुक्यात लोकसभेसाठी राष्ट्रवादी काँग्रेसचे संजय शिंदे व भाजपचे रणजितसिंह नाईक-निंबाळकर यांच्यात झालेली चुरशीची लढत वरकरणी पक्षीय वाटत असली तरी माढा तालुक्यात पुन्हा एकदा पक्षीय राजकारणापेक्षा गटातटाचे राजकारण अधोरेखित झाले आहे. या निवडणुकीत ग्रामीण भागात घड्याळाची टिकटिक वाढली असून, शहरी भागात कमळ उमलल्याची चर्चा आहे. माढा विधानसभा मतदारसंघात झालेले ६९.५२ टक्केमतदान कोणाच्या पथ्यावर पडणार, याची सर्वांनाच उत्सुकता आहे. एकंदरित ही निवडणूक मोहिते-पाटील यांच्यासाठी प्रतिष्ठेची तर शिंदे बंधूंसाठी अस्तित्वाचीच ठरणार आहे.
संजय शिंदे यांनी भाजपची साथ सोडून राष्ट्रवादीची उमेदवारी घेतल्याने भाजपच्या विशेष करून मुख्यमंत्री देवेंद्र फडणवीस व महसूलमंत्री चंद्रकांत पाटील यांच्या जिव्हारी लागले. यामुळे त्यांनी संजय शिंदे यांना खिंडीत पकडण्याची रणनीती आखली होती. त्यानुसार माढा तालुक्यातील संजय शिंदे यांच्या सर्व विरोधकांना एकत्र करण्याची जबाबदारी बार्शीचे माजी आमदार राजेंद्र राऊत यांच्यावर सोपवण्यात आली होती.

LEAVE A REPLY

Please enter your comment!
Please enter your name here